Ичгини Краснодарда сатаргъа умут этгенди

РФ-ни МВД-сыны Май районда бёлюмюню жол-патруль службасыны инспекторлары «Рено Логан» машинаны тохтатхандыла. Аны тинтген кезиуде полициячыла россейли заводланы этикеткалары бла 708 аракъы шеша тапхандыла. Дагъыда анда бешлитрлик 120 пластик шешала да бар эдиле - ичинде спирт ийис этген суусун заты бла. Водительни ичги затланы ташыргъа лицензиясы жокъ эди. 

Табылгъанны битеулю багъасы 176,5 минг сомгъа жетеди. Химиялы тинтиуледен суусун  затланы спирти болгъаны, аланы кючю 38,4 эмда 94,6 процентге жетгени ачыкъланнганды. Машинаны иесини айтханына кёре, ол ичгини Краснодаргъа сатар мурат бла алып бара эди. 

Бу шартла бла байламлы РФ-ни УК-сыны 171.3-чю статьясыны 1-чи кесегине кёре терслеу материалла жарашдырылгъандыла. Этил спиртни, ичгини, спирти болгъан затланы законлагъа бузукълукъла этип чыгъаргъаны эм сатханы ючюн водительге тазир салыныргъа боллукъду. Аны ёлчеми 3 миллионнга дери жетеди неда аны эркинлиги юч жылгъа сыйырылыргъа боллукъду.