Жюзден аслам жаш юйюрге – жашау журтла

Къабарты-Малкъарда «Жашау журтла  эм коммунал жумушла бла жалчытыу» къырал программаны чеклеринде  быйыл  109 чакълы жаш юйюр жашау журт къоллу боллукъду.

- Субсидия 37 муниципалитетге берилликди, ол санда 28 элге. Аны багъасы 70,9 миллион сомгъа жетеди. Андан 45,4 миллионну  федерал, 3,4 миллионну  республика эм  22,1 муниципал бюджетледенди.  Ахчаны кёбюсю эл жерледе жашагъан жаш юйюрлеге бёлюнюрюгю уа бютюнда  ахшы себеплик боллукъду, деп билдиргенди КъМР-ни къурулуш эмда жашау журт-коммунал мюлк министрни къуллугъун толтургъан Вячеслав Кунижев.