Ёртенни алын тыйгъандыла

Геуюрге кюн «Прохладный - Бахсан – Элбрус» федерал автомобиль жолну 73-чю километрини тийрелеринде  тау бетледе кече къургъакъ кырдык жаннганды.  Тогъуз гектар чакълы бир жерни от алгъанды. Насыпха, алайлада агъач,  жашау журтла, башха магъаналы объектле да жокъдула.

От тюшген жерге КъМР-ни табийгъат байлыкъла эмда экология министри Шауаланы Илияс, Элбрус районну администрациясыны башчысы Залийханланы Къаншаубий, районну  башха тийишли службаланы келечилери да терк жетгендиле. Элбрусну агъач мюлкюню, районну от ёчюлтюучюлерини, «Приэльбрусье» миллет паркны, Элбрус районну  бла Огъары Бахсанны администрацияларыны бирикген кючлери бла эрттенликде 8 сагъат 45 минутда ёртен жайылмазча этилгенди. Ачыгъан болмагъанды.