Командабыз - жарым финалда

13 декабря, 2019 - 08:50

Ростов областьда 2006 жылда дери туугъан къызланы араларында баскетболдан Россейни биринчилиги бардырылгъанды. Анда Санкт-Петербургдан, Курскдан, Люберцевден, Дондагъы Ростовдан, Нальчикден бла Азовдан командала ойнагъандыла. 

Бизни республикадан эришиуде баскетболдан 2-чи номерли школну командасы тренер Осман Тхакаховну башчылыгъында къатышханды. Къызларыбыз, кеслерини къауумларында экинчи жерге чыгъып, биринчиликни жарым финалына ётгендиле. Ол а 2020 жылда февральда боллукъду.

Командабызны эм иги спортчусуна Дарья Еремина саналгъанды, энчи дагъыда къауумну капитаны Саида Таова, Фариза Бекузарова бла Элина Блянихова белгиленнгендиле.

Кульчаланы Зульфия.
  • 15 просмотров
Поделиться: