Жорукълагъа тюшюндюрюр муратда

КъМР-де МВД-ны Миграцияны ишлери жаны бла управлениясында къуллукъ этгенле  республикада УФСИН-ни  4-чю номерли тюзетиучю колониясын жокълагъандыла эмда анда тургъан тыш къыраллыла бла ушакъ бардыргъандыла. Сёз аланы кеси журтларына  кёчюрюуню, паспортларын тас этген эселе уа, аланы тохташдырыуну жорукъларыны эмда кёп башха затланы юсюнден баргъанды.

Тюбешиуге сюд  этилген онбир   тиширыу келгенди, ала кёп соруула бергендиле, тынгылы жууапла да алгъандыла, деп билдириледи КъМР-де УФСИН-ни пресс-службасындан.

Суратда: Тюбешиуню кезиуюнде.