Законланы да билирге, усталыкъларын да кётюрюрге – ахшы себеплик

ФСИН-ни Къабарты-Малкъарда  Управлениясында юйрениуле  бардырылгъандыла. Алагъа тюзетиучю учрежденияланы таматаларыны  орунбасарлары,  бёлюмлени начальниклери да къатышхандыла, деп билдиргендиле КъМР-де УФСИН-ни пресс-службасындан.

Управленияны башчысыны орунбасары  ич службаны полковниги  Аслан Канкулов кесини насийхат сёзюнде тутмакъла бла юйретиу-ангылатыу ишни бардырыуну магъанасы уллу болгъанын, профессионал усталыкъны дайым да кётюрюп турургъа кереклисин да айырып айтханды.

Юйрениулеге къатышханлагъа  практика эм методика  болушлукъ этилгенди. Ала къуллукъларын бардырыуда сынауларын  бир бирге айтхандыла, андан ары  ишлерин бютюн иги бардырыуну кеслери билген амалланы да туура этгендиле.Тутмакъланы араларында  юйретиу иш,  алагъа социал, психология  болушлукъ бериу жаны бла  да иги сынаулагъа къаралгъанды. 

-Быллай юйрениуле тюзетиучю учреждениялада ишлегенлени  усталыкъларын кётюрюрге, законодательствону бютюн иги  билирге эмда къуллукъ борчларын тамамлауну эсеплерин ачыкъларгъа себеплик этедиле,- дегенди Аслан Канкулов.

Любовь Адилова.
Поделиться: