Муниципалитетни бюджетини проектин жик-жиги бла тинтгендиле

Нальчик шахар округну жер-жерли администрациясында муниципалитетни келир эмда 2021-2022 жыллагъа бюджетини проектин сюзюу жаны бла жыйылыу бардырылгъанды бу кюнледе. Анга жамауатны келечилери, шахар Советни депутатлары, мэрияны къуллукъчулары да къатышхандыла, деп билдиргендиле аны пресс-службасындан.

Администрацияны Финансла департаментни башчысыны орунбасары Натэлла Дугужева билдиргенича, бюджет программа халда къуралгъанды; анга оналты муниципал программа киреди. Келир жыл шахарны бохчасына 4,016 миллиард сом тюшерикди эмда 4,116 миллиард сом багъасына къоранчла этилликдиле. Ахчаны иги кесеги социал жумушланы тамамлаугъа жиберилликди, дегенди ол.

Проектни юсюнден оюмун департаментни башчысыны къуллугъун толтургъан Ахмед Губачиков да билдиргенди. Башхала айтханны да эсге алып, жыйылыугъа къатышханла аны анга кёре тюрлендирирге эмда Советни келир жыйылыуунда тийишли оноу этерге кереклисин белгилегендиле.

Улбашланы Мурат
Поделиться: