Тиширыуну сыйына - уллу хурмет блаБелгилисича, Шимал Кавказны поэзиясында Зумакъулланы Танзиля, тиширыу ауазны туура этип, жангы, айырмалы, эр киши поэтлени да сейирге къалдыргъан назмула къурагъанды. Быйыл аны юбилей жылы болгъаны себепли шайырны чыгъармачылыгъы бла байламлы аслам материал басмалагъанлай турабыз. Бу жол а аны тиширыу сезим лирикасына эс бургъанбыз. Поэтессаны тиширыулагъа, сюймекликге жораланнган тизгинлери терен магъаналыдыла, аланы сезим кючлери да теренди. Аланы хар бири аны жюрегин жарсытхан болумлагъа жораланады. Ол, жаланда тёгерекдеги жашауну сыфатлап къоймай, хар затха философия кёз къарамы бла къарайды, ол а чыгъармаланы бютюн къыйматлы этеди. «Дунияны ариулукъ къутхарлыкъды», - деген оюмну белгили орус жазыучу Ф. Достоевский айтханды. Танзиляны поэзиясында тиширыу да алайды: тёгерегинде айбатлыкъны эслей билген, аны азатлар ючюн, сёз айтыргъа базыннган: Мен сёлешеме шош, Бу тизгинле 1968 жылда дуния жарыгъын кёрген «Тынгылау» деген назмусундандыла. Анда поэт алгъаракъда тагъылгъан, ол кезиуде къыралда бек белгили чыгъармасы «Назмучу таулу къызла» дегениндеча жазаргъа, айтыргъа термиле кетген тиширыуланы жюрек кюйлерин, жарсыуларын ачыкълайды. Буруннгу эгечлерине къарай, поэтесса мен алача тёзюмлю болалмайма деп экили да болады. Алай олсагъат тизгини, жангы кюч алып, адепсизликге налат бере, тюзлюкню битеу жюреги, сёзю бла да къорууларгъа хазыр болгъанын кёргюзтеди. Назмуну окъуй, лирика жигитни кёзбаусузлугъун, терсликге тёзюп турмазлыгъын ангылайбыз. Жуугъанма быстыр, ийиргенме урчукъ. Быллай жюрекге жетген тизгинлени «О, Танзиля, сени назмуларынгда…» деген чыгъармада окъуйбуз. Мында къазауатны кезиуюнде таулу тиширыуланы къыйын къадарларын кёребиз. Урушну отуна кирмей, алай харкюнлюк жашауда къызланы жигерликлери кёз аллыбызгъа келеди. Ол заманланы бир жылы мени жюз жылгъа къарт этгенди, къууанчлы ышарыууму сыйыргъанды, дейди поэтесса. Кертиси бла, малкъарлы тиширыуну уруш, сюргюн, тыш жерни сууукълугъу жюрегин сындыргъанды, кёзлериндеги нюрлерин кёпге дери ёчюлтгенди. Чыкъдыкъ, кюйюп кетмейин Окъуучуну жюрегине жетип, аны жашлыгъында неда артдаракъда сынагъан жарыкъ сезимлерин эсге тюшюрюрча тизгинле кёлге жетедиле, сейир жюрек учунуула туудура.Танзиляны сюймеклик лирикасыны жигитине багъа бичген къыйынды. Алайлыгъы уа аны бирде ачыкълыгъыны, бирде уа, булут артына букъгъан кюнча, жашырынлыгъыны себебинденди. Алай бир халда турмагъан, тюрлене тургъан тиширыу сезимлени ангылагъан къыйын болгъаны ючюн сейир эм багъалыды бизге ол дуния. Шайырны да тюшеди жолуна таш,
Поделиться:
Читать также:
20.01.2021 - 11:26 →
Елена Образцова: «Малкъаргъа жолоучулукъ эсимден кетмезлик, кёлюмю кётюрген сейирлик сагъатладыла».
26.08.2020 - 08:09 →
АЗАТ БОЛУП КЪАЙТ
21.08.2020 - 08:41 →
Университетни анимация студиясы грантха тийишли болгъанды
14.08.2020 - 08:06 →
КЪЫРГЪЫЗНЫ БЛА УЛЛУ ДУНИЯНЫ АРАСЫНДА ТЕЙРИ КЪЫЛЫЧ
17.07.2020 - 08:06 →
Бай тирликни, монглукъну белгисине саналгъан тепсеуюбюз
|