Сабийлени саулукъларына бакъдырырча - жангы медицина керекле

«Доступная среда» программаны чеклеринде Сабий юйге эмда республиканы сабий клиника больницасына саулукъ онглары чекленнген балалагъа деп жангы реабилитация керекле келтиргендиле. КъМР-ни Саулукъ сакълау министерствосу битеу да бирге эки махкемеге 28 реабилитациялы эм физиотерапиялы оборудование бергенди: электротерапия, жюрюрге болушуучу, лазер бла терапия, магнит бла терапия аппаратла, къолланы бла аякъланы айнытыу тренажёр, ууакъ моториканы игилендириучю эм аны онгларын тинтиучю комплекс, дагъыда башхала.

Сагъынылгъан программаны толтурууну хайырындан шахарны эки сабий махкемелеринде шёндюгю заманнга келишген онгдуруу жумушла бардырыллыкъдыла. Келир жылны аллында республикалы сабий клиника больницада берилген затла бла хайырланып жангы реабилитациялы бёлюм ачыллыкъды. Мында травматология жаны бла бакъдыргъан эм неврология ауруулары болгъан сабийлеге болушлукъ тапдырыллыкъды.

ТОКУМАЛАНЫ Салим.
Поделиться: