Сууукъланы хатасындан ток ызла окъуна юзюлгендиле

Бу кюнледе Зольск районда сууукъла къысып, туман басып эмда жел уруп тургъаныны хатасындан магистраль ток ызлагъа къалын буз жабышып, аныкёп жерлери юзюлгендиле, аланы тутхан чыпынланы бир кесеги да аугъандыла.

«Каббалкэнерго» компаниядан билдиргенлерине кёре, темир чыбыкъланы бир метр кесегинде жабышхан бузну ауурлугъу 9-12 килограммгъа окъуна жете эди. Болум бютюн бек Светловодское эм Октябрьское элледе осал болгъанды.
Компанияны 40-дан артыкъ специалисти, техника къоллу болуп, ол тийрелеге мычымай жетгендиле, тири къармашып,10 эм 0,4 кВ вольтлу ызланы жангыдан ишлерча этгендиле. Трансформатор подстанциялада уа чурум табылмагъанды.