Сабий больницагъа – компьютер томограф

Кёп болмай «Сабий саулукъ сакълауну айнытыу»  миллет проектни чеклеринде Республикалы сабий клиника больницагъа (РДКБ) 60 миллион сомдан аслам   тургъан эм артда чыкъгъан  Neusoft NeuViz 64 компьютер томограф алыннганды.  Аны   хайыры бла кардиология, травматология эм ич органлары ауругъан саусузлагъа къараргъа жарарыкъды. Томографны  чыгъаргъан компанияны келечилери учрежденияны эки специалистин  аны бла ишлерге да юйретирикдиле.

Бюгюнлюкде  оборудованиени РДКБ диагностика бёлюмюнде жарышдыра турадыла. Ишле къалай баргъанлары бла КъМР-ны саулукъ сакълау министри Рустам Калибатов да шагъырейленнгенди. 

- Миллет проектни чеклеринде экинчи  жылда да сабий больницагъа керек затла алынырыкъдыла.  Ол санда магнит-резонанс томограф да.  Саулай айтханда, стационарны ауур медицина техника бла жалчытыу диагностика бардырыуну качествосун игилендириуде  ахшы  себеплик этерикди,  деп билдиргенди министр.