Уулу ханс кило бла жарым тартханды

КъМР-де МВД-ны Наркотиклени сатыу-алыугъа контроль  этиу жаны бла управлениясыны къуллукъчулары оператив-тинтиу жумушланы кезиуюнде Лескен районну Анзорей элинде жашау журтладан биринде кырдыгы бла артмакъ тапхандыла. Экспертиза кёргюзтгенича, ол  марихуана  наркотикди,  аны ауурлугъу 1504,4 граммгъа жетеди. 

Юйню иесини айтханына кёре, ол уулу кырдыкны кесине деп  асырагъанды. Бу шартла бла байламлы РФ-ни Уголовный кодексини 228-чи статьясыны 2-чи кесегине кёре терслеу  материалла жарашдырылгъандыла. Анзорейчи законлагъа бузукълукъла этип, кёп санда наркотиклени сатып алгъаны эм асырагъаны ючюн терсленеди.