Почта ишин тирилтеди

Россейни  Почтасыны КъМР-де Управлениясындан билдиргенлерича, бу айны ортасындан  башлап  бизни къыралны кёп регионларына посылкала эки кюнден кеч къалмай жетерикдиле. Айтханларына кёре,  аны 100 мингден артыкъ адам жашагъан шахарлада толу сезерикдиле. Адам саны жарым миллиондан атлагъан муниципалитетледе уа абонентлени къолларына  посылкаларын бир кюнден сора тутдурлукъдула. Сёз ючюн, Москвадан Воронежге неда Ярославльден Къазаннга, Волгоградха, Уфагъа, Краснодаргъа, Самарагъа жиберилгенлени. Федерал магъаналы шахарланы эмда регионланы административ араларыны ичинде уа посылканы иесине экинчи кюн жетдирикдиле.

«Саулай айтханда,  битеу да 7800 маршрут къысхартылгъанды. Ол кеси да логистика система игиллендирилгенини, инфраструктура жангыртылгъаныны хайырындан 
болгъанды. Аны бла посылкаланы ташыу рынокда  почта ал жерлеге чыгъарыкъды», – деп белгилегенди компанияны башчысыны электрон  коммерция жаны бла орунбасары Алексей Скатин.