Бузукълукъла этгенле аны къайтармаз ючюн къайгъыра

КъМР-де УФСИН-ни Уголовный-толтуруучу инспекциясында юйретиу-профилактика ишле бардырылгъандыла. Тутмакъда тургъанлагъа иш бла жалчытыучу араны келечилери баргъандыла. Ол тюбешиу право низамгъа бузукълукъ этгенле аны къайтармазча, аланы эркиннге чыкъсала, андагъы жашаугъа тюзелирча, жамауатха хайырларын келтирирча этер муратда къуралгъанды. Аны кезиуюнде Араны специалистлери Зарема Бетрозова бла Индира Гедгафова алада эсепге турууну болумларыны юсюнден тынгылы билдириу этгендиле, республиканы жеринде къаллай ишлеге тохтаргъа  боллугъун да айтып ангылатхандыла, усталыкъ алыргъа сюйгенлени юйретир онгла  болгъанларын да билдиргендиле.

Тюбешиуню ахырында тутмакълагъа буклетле берилгендиле, алада  къаллай ишлеге тохтаргъа эмда къаллай усталыкълагъа юйренирге боллугъуну юсюнден жазылады. Андан сора да, сюд этилген экеулен Нальчик шахарда  урунуу, иш бла жалчытыу эмда социал къоруулау арагъа приёмгъа жазылгъандыла, деп билдиргендиле КъМР-де УФСИН-ни пресс-службасындан.