Даражалы турнирден – доммакъ майдал блаАдыгея Республикада грек-рим тутушуудан битеуроссей турнир бардырылгъанды. Ол Адыгеяны спорт усталарыны хурметине жораланнганды. Анга Шимал-Кавказ эм Юг федерал округлада кючлю спортчула къатышхандыла. Москвадан, Эрменден бла Киргизиядан гёжефле да келгендиле. Аланы араларында Олимпиада оюнлада алчы жерлеге чыкъгъан спортчу, дунияны юч чемпиону да болгъандыла. Элбрус районну спорт школуна жюрюген Аслан Толов да (тренерлери Малкъарланы Зейтун бла Байзуллаланы Магомет) ауурлукълары 67 килограммгъа дери болгъан гёжефлени араларында тутушханды. Ол кюйюзге юч кере чыкъгъанды, андан экисинде хорлагъанды. Аладан биринде уа ючюнчю жер ючюн демлешгенди. Ахырында доммакъ майдалгъа тийишли болгъанды. Эришиуледе баш судьялыкъны битеуроссей эмда халкъла аралы даражалы судья Малкъарланы Зейтун этгенди. Суратда: Аслан Толов пьедесталда онг жанындан биринчи.
Поделиться:
Читать также:
19.03.2021 - 08:18 →
Россейни биринчилиги бла чемпионатына къатышырыкъдыла
19.03.2021 - 08:15 →
Алчы жерлени чыкъгъандыла
26.08.2020 - 08:01 →
Муратым, тренер болуп, Малкъаргъа къайтыргъады
17.07.2020 - 08:01 →
Шёндю башха къыралда жашауну, тёрелени кёреме, ол да бек магъаналыды
27.05.2020 - 15:43 →
Тенгизледе жюзюуню орунуна сабийлени юйретиуню сайлагъанды
|