Кредитни хайырланнганланы санына дайым къошула барады

Къабарты-Малкъарда жашагъанлагъа быйыл тогъуз айны ичинде берилген кредитни ёлчеми   23,3 миллиард сомгъа жетгенди.  Былтыр бу заман бла тенглешдиргенде,  ол 16,5 процентге кёпдю. 

Биринчи октябрьни эсеплерине  кёре, розница кредит портфельни ёлчеми 46,3 миллиардха жетип, жылны ичинде ол 19 процентге ёсгенди. Анга себеплик этген шартладан бири,   ёнкючлерин заманында тёлеялмагъанланы азыракъ бола баргъанларыды.  Бюгюнлюкде аллайланы саны 5,8 процентге  жетеди.   

- Заманында тёлемегенлерини сылтауларындан бири, эски кредитлерин  азыракъ процент бла жабарча  рефинансирование амалны хайырланнганларынданды.  Болсада ахчаны  заманында бералмагъанла  арт заманда иги  да азайгъандыла, дейди Миллет банкны КъМР-де бёлюмюню таматасы Анатолий Тхамоков.   

 

Поделиться: