Эки районнга – жангы автоклубла

Къабарты-Малкъаргъа  «Маданият» миллет проектни чеклеринде  жангы автоклубланы биринчи къаууму келтирилгенди. Бу жол энчи техника Чегем бла Лескен районлагъа берилгенди. Жууукъ заманда уа  Прохладна район да жалчытылынырыкъды. Дагъыда ноябрь  айда  республика аллай техникадан бешисин аллыкъды. 

Автоклубланы  хайыры бла  жер-жерледе концертле, тюрлю-тюрлю  маданият акцияла бардырыргъа, кино кёргюзтюрге да  онг табыллыкъды. Аны интернети, аудио, видео  аппаратурасы, дизель-генератору эм башха затлары да бардыла. 

Ала, жолланы болумларына да  къарамай, узакъ эллеге    бараллыкъдыла. Кюбюрлерини энчи къурамы уа  жайда, къышда да къыйналмай ишлерге себеплик этерикди.