Шахарчыланы оюмлары эсге алынып

Нальчикни мэриясы  шахар тийрелени тапландырыу ишни андан ары бардырады. Алгъаракъда Театр орамда скверни проектин сайлар муратда ачыкъ конкурс ётдюргенди. Республиканы жаш  архитекторлары хазырлагъан эки ишден - тюрлю-тюрлю  тематикалагъа жораланнган,  тёрт кесекге бёлюннген  скверден бла   аламат  инфраструктурасы бла  жаяу жюрюген эркин жашил жолчукъдан  - жетмишден аслам адам биринчисине бюсюрегенлерин билдиргенди.  

Эсге сала айтсакъ, къол кётюрюу   «Тири инсан» деген порталда  баргъанды.    Объектни къурулушу быйыл башланырыкъды, план бла  ишле аз-аздан этилириклери себепли  аланы саулай  келир жылгъа бошаргъа айтадыла.    

КъМР-ни Къурулуш эм жол мюлк министерствосундан билдиргенлерича,  «Жашау журт эм шахар болум» деген миллет проектни чеклеринде быйылны ахырына 145 арбаз бла жамауат хайырланнган  28 объект жангыртыллыкъдыла. 

Бизни корр.
Поделиться: