Тахта кёгетле, жемишле бла да кеслерин жалчытадыла

КъМР-де УФСИН-ни  5-чи номерли колониясында тургъанла бусагъатда   тирлик  жыйыугъа тири къатышадыла. Ведомствону аллай учрежденияларыны араларында  сабанчылыкъ бла жангыз да бу колония кюрешеди. Анда тургъанла   кёп тюрлю битимле ёсдюредиле, аны хайырындан кеслерин тахта кёгетле эм жемишле бла  толусунлай жалчытадыла.
     

Бу кюнлеге колониячыланы кючю бла  336 гектардан чёплеу, 10 гектардан будай,  50 гектардан арпа, 20,5 гектардан  силослукъ нартюх, 35 гектардан да  биченлик, юч гектардан да зынтхы, къудору эмда беш гектардан хобуста жыйылгъандыла. Жууукъ заманлада   нартюхню   да оруп башларыкъдыла.
   

Былайда чертип айтыргъа тийишлиди: бу колония жыйгъан тирлик  бюджет ахчаны аяргъа, низамны кючлендирирге онг береди, аны бла бирге  тутмакъланы иш бла жалчытытады.