Симфония музыканы байрамыНальчикде Симфония музыканы Юрий Темирканов атлы сегизинчи Халкъла аралы фестивалы андан ары бардырылады. 1 ноябрьде Къырал музыка театрны сахнасында маданиятны алчы вузларыны – Гнесинле атлы Россей академияны, Санкт-Петербургда Н.А. Римский-Корсаков атлы къырал консерваторияны, Москвада П.И. Чайковский атлы къырал консерваторияны, Саратовда Л.В. Собинов атлы къырал консерваторияны, Хор искусствону В.С. Попов атлы академияны, Искусстволаны Шимал-Кавказ къырал институтуну студентлери фахмулулукъларын кёргюзтюрюкдюле. 14 ноябрьде аргентиналы пианист, Сан-Хуан Миллет университетни фортепиано профессору Мигель Анхель Шеббаны музыка ингири боллукъду. 29 ноябрьде Россейни Уллу театрыны оркестрини биринчи солисти, флейтачы Николай Поповну концерти бардырыллыкъды. Симфония музыканы белгили дирижёр, СССР-ни халкъ артисти, Санкт-Петербург филармонияны академия симфония оркестрини башчысы, Россей Федерацияны Къырал саугъасыны лауреаты Юрий Темирканов атлы Халкъла аралы сегизинчи фестивалы 4 октябрьден 29 ноябрьге дери Къабарты-Малкъарда РФ-ни Маданият министерствосуну себеплиги бла бардырылады.
Поделиться:
Читать также:
19.04.2024 - 12:45 →
Огъурлулукъгъа ийнаныуну тас этмей
17.04.2024 - 14:39 →
Ара межгит – ариу жерлерибизден бири
16.04.2024 - 09:26 →
«Ишим халкъгъа хайыр келтирсе сюеме»
15.04.2024 - 10:22 →
«Чепкенлерибизни жаратханла кёп болуп, аланы терк сатып алгъандыла»
09.04.2024 - 10:00 →
Аны жашауун сахна жарыта эди
|