Аты айтылгъан шайырыбызны хурметинеЭлбрус районну краевед музейинде КъМР-ни, КъЧР-ни халкъ поэти, РФ-ни, КъМР-ни Къырал саугъаларыны лауреаты Зумакъулланы Мустафаны къызы Танзиляны 85-жыллыкъ юбилейине аталгъан «Бизни Танзиля» атлы кёрмюч ачылгъанды. Анга жораланып магъаналы тюбешиу къуралгъанды, Тырныауузну мектеплерини жаш тёлюсю да къатышып. Сабийле музейни къуллукъчулары бла бирге Зумакъулланы Танзиляны жашаууну эм чыгъармачылыгъыны юсюнден адабият-поэтикалы постановканы хазырлагъандыла. Аты айтылгъан поэтесса республиканы, къыралны да эм бийик саугъаларына тийишли болгъаны, миллет маданиятны айныууна салгъан къыйыны ючюн анга Шуёхлукъну ордени берилгени да белгиленнгенди. Шайырны жыйымдыкълары эм энчи китаплары тыш къыраллы тиллеге кёчюрюлгендиле, ала «Битеудуния адабиятны библиотекасында» чыкъгъандыла, аны ёмюрлюк тизгинлерин битеу дунияда да биледиле. Жыйылыуда назмула окъулгъандыла, жырла айтылгъандыла эмда келгенле документли кинофильмге къарагъандыла.
Поделиться:
Читать также:
24.04.2024 - 16:43 →
Ангылатыу
24.04.2024 - 09:13 →
Халкъ бла байламлы магъаналы жумушха уллу кёллю болмайыкъ
23.04.2024 - 09:09 →
Миллетни къыраллыгъын белгилейди
19.04.2024 - 09:27 →
"Заманны" - хар таулу юйюрге
18.04.2024 - 10:03 →
Ата журтха сюймекликни кючлей
|