Хыйлачылагъа алдатмазча

 

Хыйлачылыкъгъа къажаулукъгъа  жораланып бардырылгъанды Элбрус районда Россей МВД-ны  бёлюмюнде къуралгъан «тёгерек стол».  Ушакъгъа  бёлюмню таматалары, ич службаны эм Жамауат советни  келечилери,  банк структураланы башчылары,  халкъны  социал жумушларын жалчытхан комплекс араны бла Пенсия фондну ишчилери къатышхандыла.

Тюбешиуде  арт заманлада  телефонланы, интернетни эм башха амалланы хайырланып адамланы, бютюн абаданланы, хыйлачыла терк-терк алдагъанларын, ол болумну алгъадан  билип айтыргъа кереклисин белгилегендиле.  Жамауат бла профилактика жумушланы бардырыргъа тийишлиси да энчи чертилгенди.

Банкоматланы къатларында ол жаны бла ангылатыу листовкала тагъаргъа,  почтаны эмда социал структураланы  ишчилерине ала жумушларын жалчытхан пенсиячылары бла ол темагъа сёлеширге дегенча амалланы дурус кёргендиле.  Андан сора да,  эсгертиулени жайыуну, организацияланы бла учрежденияланы  страницаларында ол билдириулени электрон халда жарашдырыуну магъаналылыгъы белгиленнгенди.

Анатолий Талаев.
Поделиться: