Къошакъ билим бериу жаны бла алчы организацияланы санында

Санкт-Петербургда  «Школа будущего. Проблемы и перспективы развития современной школы в России» сегизинчи Битеуроссей билим бериу форумну чеклеринде  «Россейни 100 эм иги школу»  деген жыл сайын бардырылгъан федерал эришиуню эсеплери чыгъарылгъандыла.

Хорлагъанланы санында «Россейни къошакъ билим бериу жаны бла 100 эм иги организация» номинацияда  Бахсан шахар округну сабий чыгъармачылыкъ арасы эм Новопокровский хуторну сабий чыгъармачылыкъ район арасы болгъандыла, деп билдиргендиле форумну оргкомитетинден.

Форум Къырал Думаны Билим бериу эм илму комитетини, Федерация Советни  Илму, билим бериу эм маданият комитетини, Къырал Думаны  Илму эм наукоёмкий технологияла комитетини, РАН-ны, РАЕН-ни, РАО-ну, Россейни Ссузларыны директорларыны союзуну, Россейни  Школларыны эм устазларыны директорларыны миллет ассоциацияларыны, Качество эм маркетинг халкъла аралы академияны, «Профессия – директор» журналны къошулуулары бла бардырылгъанды.
Жангуразланы Нажабат.

 

Поделиться: