Итлени эминасы

Юйлеринде итле тутханла быллай жаныуарланы къаллай ауруулары болгъанын да билирге керекдиле. Аланы арасында эм къоркъуулудан бири эминады. Аны ышанларыны, диагностикасыны эмда багъыу амалларыны юсюнден Россельхознадзорну Къабарты-Малкъарда эмда Шимал Осетияда Управлениясында ветеринария надзор бёлюмюню келечиси Даурова А. Ю. билдиргенди.

Эминагъа жукъгъан итни кёзлеринден бла бурунундан шыты келеди, ол чючгюрюп, жётел этип турады, анга къалтырауукъ тиеди, юсюн а жарала басадыла. Диагнозну эпизоотология эмда клиника тинтиуле бардыргъандан сора саладыла. Анализ этер ючюн итни кёз мылысын эмда бурун сууун, ауруу теренине кетген эсе уа – къанны да аладыла, лабораториягъа ашырадыла.

Багъыу къыйматлы болур ючюн аны ауруу къозгъалгъаны бла башларгъа керекди. Итге прививкаланы уа жыл сайын этип турургъа тюшерикди.