Энергетиклени кезиулю жандауурлукълары

РусГидро компанияны Къабарты-Малкъарда бёлюмю алгъаракълада «Рождённые энергией» деген тёрели жандауурлукъ акцияны бардыргъанды. Аны кезиуюнде энергетикле Урван бла Прохладна районланы ара больницаларына жангы медицина оборудование бергендиле, деп билдиргендиле бёлюмню пресс-службасындан.
Больницаланы келечилерине оборудованияны компанияны бёлюмюню башчысы Игорь Кладькобергенди. Бу жумушну кезиуюнде анда  Къабарты-Малкъарны Саулукъ сакълау министрини орунбасары Татьяна Аникушина да бар эди да, ол да врачла бла бирге энергетиклеге ыразылыгъын билдиргенди.Оборудованиядан бири къагъанакъланы къулакъларын толуракъ тинтирге амал берликди. Экинчиси уа реаниматологла бла анестезиологла хайырланыучу мониторду.Ахыр алты жылны ичинде энергетикле «Рождённые энергией» деген тёрели жандауурлукъ акцияны чеклеринде республиканы медицина учрежденияларына 3,8 миллион сом багъасы болушлукъ этгендиле.