Цифралы технологияланы экономикада хайырлданыуну юсюнден баргъанды сёз

Озгъан ыйыкъда Х.М.Бербеков атлы Къабарты-Малкъар къырал университетде «Право эм экономика: алгъа барыу эм цифралы технологияла» деген  аты бла халкъла аралы илму-сынам конференция ётгенди. Бу магъаналы иш Россейни ал тинтиулени фондуну ахча болушлугъу бла КъМКъУ-ну право, экономика эм финансла институтуну башламчылыгъы бла бардырылгъанды.

КъМР-ни Экономиканы  айнытыуну эм Курортла бла туризмни министерстволарыны келечилери, Россей Федерацияны тюрлю-тюрлю регионларындан бла шахарларындан, Азербайджандан, Тюркден, Ирандан, Сербиядан, Белоруссиядан юристле, экономиканы алимлери, ол санда башында сагъынылгъан институтну окъуучулары бла преподавательлери шёндюгю экономикада цифралы айныуну проблемаларын сюзерге жыйылгъандыла.

-Бюгюнлюкде  илму-сынам конференцияны форматы  аслам сорууланы сюзюп алагъа ангылатмала табаргъа онг береди ол санда  шёндюгю экономиканы айныууна норматив мурдор къураргъа боллугъун  ол санда цифралы, келир заманда не зат кёрюрге сюйгенибизни, ол социумгъа къалай кириширигин, бизни экономикада къаллай жер аллыгъын эмда цифралы технологияланы айныуундан хар инсан да не зат сакъларгъа боллугъун шарт кёргюзтеди. Башлагъан ишигиз толу, хайырлы боллугъуна ишеклигим жокъду», - дегенди КъМКъУ-ну ректору Юрий Альтудов форумгъа къатышханлагъа.

Бу жыйылыуну чеклеринде бизни университет бла  «Гамма» ООО эки жанлы келишимге къол салгъандыла. Анга кёре  иш бла жалчытыучу рынокну излемлерине келишген инновациялы башламчылыкълада, билим бериуде эм илмуда  атламларын бирге  бардыргъанлай турлукъдула. Келишимни КъМКъУ-ну  проректору Хусейн Кушхов бла башында сагъынылгъан биригиуню  таматасы Аслан Дешев къол салгъандыла. 

Битеуда бирге жыйылыуда 132 доклад окъулгъанды. Аны эсеплерине кёре, статьяланы жыйымдыгъы чыгъарыллыкъды, ол а келир заманда жаш алимлени ишлерине уллу себеплик этерикди.