Хайырланыучулагъа - налогланы юсюнден толу хапар

Федерал Налог службаны Нальчикде биринчи номерли инспекциясы 25 октябрьде «ачыкъ эшиклени кюнюн» бардырлыкъды. Ведомстводан билдиргенлерине кёре, ол кюн эрттенликде сагъат тогъуздан башлап ингирде алтыгъа дери ары келгенлеге кёп тюрлю консультацияла эмда  информация берилликди.

Хайырланыучула мюлк, тюшюрюлген файда ючюн эм башха налогланы къалай тёлерге боллугъун, аны тындырыу болжалын, ол неда бу муниципалитетде болгъан льготаланы, ставкаланы, къагъытланы да къалай  жарашдырыргъа кереклисин билликдиле. Специалистле алагъа ведомствону бёлюмлеринде гражданланы жумушларына къалай къаралгъанына багъа бериу системаны юсюнден айтырыкъдыла, оюмларын да сурарыкъдыла. Дагъыда талай темаланы юсюнден семинарла бардырлыкъдыла.

Акциягъа къатышыргъа сюйгенле ФНС-ни интернет-сайтында «Энчи кабинетге» кирип регистрацияны ётерге керекдиле. Ары келгенде уа къолларында шагъатлыкъ этген документлеринден бири болургъа керекди.

Улбашланы Мурат.
Поделиться: