Таматаланы жырла эм халкъ сюйген макъамла бла кёллерин алгъандыла

Росгвардияны аскер оркестри Нальчикде концерт бергенди. Звездный элден аскерчиле абаданла эм сакъатла тургъан интернатда  къонакъда болгъандыла. Бу иш «Къайгъырыуубуз бла жюреклени жылытайыкъ» деген битеуроссей акцияны чеклеринде бардырылгъанды эмда Тамата тёлюню кюнюне жораланнганды.
Оркестрни музыкачылары классикалы, эстрада, халкъ макъамланы, аскер маршланы да сокъгъандыла. Байрамгъа уа Нальчикни 56-чы сабий садыны окъуучулары бютюнда къуут бергендиле. Ала тепсеп, жыр айтып, абаданланы кёллерин алгъандыла.