Аушигерни жылы суулары – он эм иги курортну санында

Кёп болмай «ТурСтат» агентство,  Россейде гара сууну бла балчыкъны хайырланнган  курортланы рейтингин бардыргъанды. Анга кёре, биринчи он тизмеге Аушигерни жылы суулары  да киргендиле.  Рейтингни чеклеринде курортха къаллай сурам болгъаны, солугъанлагъа таплыкъгъа  болумну къурамы да тергелгендиле. 

Агентстводан билдиргенлерича, гара суула бла багъылыргъа  курортлагъа асламысында  адамла жаз башында бла кюз артында келедиле.  Балчыкъ бла саулукъларын игилендирирге сюйгенле уа  жайда кёп болуучудула.  Тёреде жюрюгенича, ала  бир-эки ыйыкъ  солуйдула. Орта эсеп бла алып айтханда,  кюн сайын аш-суугъа, багъыу амалларына эм  жашагъанларына  юч минг сом чакълы къоратадыла.