Районда цифралы билим бериу ара ачылгъанды

 Черек районну Аушигер эмда Бабугент эллеринде «Точка роста» деген цифралы эмда гуманитар жаны бла билим бериу ара ачылгъанды. Ала «Технология», «Информатика», «Основы безопасности жизнедеятельности» ызлада ишлерикдиле. Проектге тийишлиликде районну билим бериу учрежденияларына 3D-оборудование, квадрокоптерле, шахматлагъа юйретирча комплектле, интерактив комплексле да берилгендиле.

Бийик технологияланы хайырланыу мектепде окъугъанланы не жаны бла да билимлерин кётюрюрге себеплик этерикди. Алай бла мында юйреннгенле компьютер программала, юлгюле жарашдырыргъа, компьютер черчениягъа, цифралы амалланы технологияларына,стратегиялы сагъыш эте билирге да юйренирикдиле.

Районда араланы ачылыу кюнде къонакълары уа КъМР-ни жарыкъландырыу, илму эм жаш тёлюню ишлери жаны бла министрни орунбасары Мокъаланы Ачемез, Черек районнужер-жерли администрациясыны биринчи орунбасары Глашланы Артур, районда билим бериу эмда жаш тёлю политика жаны бла управленияны башчысы Эфендиланы Тареза, школланы башха-башха жыллада бошагъанла, эллиле да эдиле.

Сабийле, ата-анала да районда быллай ахшы иш жерин тапханы ючюн федерал эм жер-жерли властлагъа ыразылыкъларын билдиргендиле.Окъуу юйлени башчылары уа «Точка ростаны» къурагъанлагъа ыспас этгендиле.

Холаланы Марзият.
Поделиться: