Жаяу жюрюгенлеге таплыкъгъа - энчи светофорла

2 октября, 2019 - 08:22

Жоллада жюрюуде къоркъуусузлукъну кючлендирир умутда быйыл Нальчикни талай орамында  жаяу жюрюгенлеге  деп светофорла орнатхандыла. Аланы энчилиги  жолну бирси жанына ётеме деген адам аны юсюнде кнопканы басып, жашил чырагъын жандырыргъа боллугъундады.  Андан сора, такъыйкъадан башлап, жолну ётерча жыйырма секунд бериледи. Ызы бла къызыл жанады. Кнопканы къайтарып басарча  бир минут озаргъа керекди.

Шахар округну жер-жерли администрациясындан билдиргенлерине кёре, быллай светофорла Калинин атлы орамда 11-чи номерли  орта школну къатында эмда Ленин атлы проспектде ара универмагны бирси жанында ишлеп башлагъандыла. Жууукъ кезиуде 2-ой Таманской дивизии орамда да аллай бири боллукъду.

Улбашланы Мурат.
  • 11 просмотров
Поделиться: