Офицерле сыйлы донорла болгъандыла

2 октября, 2019 - 08:14

РФ-ни Миллет гвардиясыны КъМР-де Управлениясыны ведомстводан тышында къалауурларына  къанны къуйгъан республикалы араны баш врачы эмда  бёлюмню таматасы Руслан Тленкопачев бла Аза Дударова  келгендиле. Ала къууанчлы халда полицияны капитанлары Асланби Гауновха бла Заур Жемуховха РФ-ни сыйлы доноруну документлерин бергендиле.  

Росгвардиячыла донор акциялагъа хар заманда да къатышханларын белгилерчады. Бюгюнлюкде уа Управленияда 4 сыйлы донор къуллукъ этедиле, 20 гвардиячы уа къанларын дайым да бередиле.

- Бюгюнлюкде медицинада дарманла кёпдюле, алай къанны алышындырыргъа жарагъан зат а жокъду. Сизнича ахшы адамланы хайырындан  саусузланы жанларын сакъларгъа онг барды,-дегенди гвардиячылагъа ыразылыгъын айта Руслан Тленкопачев.

Росгвардияны КъМР-де Управлениясыны пресс-службасы.
  • 27 просмотров
Поделиться: