Иги тирлик аладыла

Бахсан  районда тёрели эм терк айныгъан  терек бахчалада  саулай да 2693 гектарда къыстау алманы жыядыла. Тирликни асламысы уллу сурам болгъан «Гала», «Редчиф», «Ред Джонапринц» эм «Джеромини» сортлададыла, деп билдиредиле муниципалитетни  администрациясыны пресс-службасындан.

«Сады Баксана» биригиуде да бу кюнледе мингнге жууукъ адам  къармашадыла. Ала пластик   орунланы  жемишден толтуруп,  сакъланыргъа 25 минг тонна сыйыннган  холодильный комплексге  ашырадыла. Аны кесини  айырыучу цехи да барды. Мында продукция сыфатын, татыуун  тас этерге къоркъуу болмай   бир жылны турургъа боллукъду.

Аграр мюлкде билдиргенлерине кёре,  быйыл  орта эсеп бла терк айныгъан  терек бахчалада  бир гектардан 320-350 центнер тирлик чыгъады.

Алгъаракълада биригиуде алмаланы маркировкасын белгилерча   жангы технологияны хайырланып башлагъандыла. Энди алмала терекледе  «Россия» эм «КБР» деген жазыула бла бишедиле. Аланы республиканы эм къыралны  кёрмючлеринде да кёрюрюрге боллукъду.