Школчулагъа законла ангылатылгъандыла

Черек районну полициячылары школчула бла тюбешип, аланы праволу билимлерин игилендиририрге болушадыла. Бюгюннге право низамны сакълаучула районну 8 школунда болгъандыла, лекциялагъа 300 школчу къатышханды, деп билдиргендиле бизге КъМР-де МВД-ны пресс-службасындан.

Бабугентде РФ-ни МВД-сыны Черек районда бёлюмюню акъылбалыкъ болмагъанланы ишлери жаны бла инспекторла, жамауат советни башчысыны орунбасары Ёлмезланы Къубадий бла бирге 2-чи номерли кадет школгъа баргъандыла. Къонакъла   законланы  сакъларгъа кереклисин, аманлыкъчылыкъ ючюн къаллай жууаплылыкъ болгъанын ангылатхандыла. Кадетлени уа право низамны сакълаучулагъа соруула берирге онглары да бар эди.