Эм кючлюлени санында

«Нальчик» спорт арада мас-рестлингден Къабарты-Малкъарны онунчу чемпионаты бардырылгъанды, ол спортну бу тюрлюсюн айнытыу «Легион» проектни чегинде ётдюрюлгенди. Эришиуге республиканы битеу районларындан бла шахарларындан жюзге жууукъ гёжеф къатышханды.

Эришгенлени араларында Огъары Жемталадан спортчула да болгъандыла, ала алтын майдалла бла да къууандыргъандыла. Кеслерини ауурлукъларында Джанукуланы Эллина, Баллиланы Расул бла Маммеланы Даниял хорлагъанды, аланы тренер Жангоразланы Хаким юйретеди.

Эришиуню эсеплерине кёре регионну башха-башха жыл сан къауумлада жыйымдыкъ командасы къуралгъанды, хорлагъанла энди къырал даражалы эришиуде сынашырыкъдыла.