Видео жорукъланы бузгъаны тохташдырылгъанды

Нальчикни транспорт прокурору Интернетде басмаланнган материалгъа чек салыуну юсюнден дауну сюдге бергенди, деп билдиргенди бизге прокурорну болушлукъчусу Эсен Маргушев.

Аны айтханына кёре, Интернетни тинтген кезиуде   «Информацияны, информация технологияланы эмда информацияны къоруулауну юсюнден» федерал законнга бузукълукъ этген видео ачыкъланнганды. Анда  поездге неда электричкагъа тагъылып учуу (зацепинг) спортну бир тюрлюсюне тенг этиле эди. Алай бла анда артыкъда къоркъуулу жерледе инсанла тургъанда, объектле ишлетгенде, аллай жерледе башха жумушла толтургъанда эмда темир жолдан ётгенде  жорукъланы бузаргъа чакъырыу барды.

Битеу бу шартланы эсге алып, Нальчикни транспорт прокурору сюдге видеону РФ-де жаяргъа жарамагъаныны юсюнден  дау этгенди.