Россейни Президентини айырыулары бла байламлы Владимир Путин чакъырыу этгенди

Юч кюнню ичинде президентни сайлау бла байламлы айырыула бардырылыуну аллында Владимир Путин россейлилеге телевидения бла Биринчи каналда чакъырыу этгенди. Ол анда айырыуланы кёрюмдюлери къыралыбызны андан ары айныууна уллу магъанасы боллугъун энчи белгилегенди.

«Россейни хурметли инсанлары, багъалы шуёхла. Тамбла, 15 мартда, битеу уллу къыралыбызда айырыу участкала ачыллыкъдыла, Россейни Президентин сайлау бла байламлы ючкюнлюк айырыула башланырыкъдыла.

 Айырыула Россейде сегизинчи кере бардырыладыла, ол шарт демократиялы къыралыбызны тюз жол бла баргъаныны бир юлгюсюдю», - деп белгилегенди Владимир Путин.

Президент айырыуланы бек магъаналы жумушха санагъанды. «Аланы кёрюмдюлери къыралыбызны андан ары айныууна уллу магъананы тутарыкъдыла. Бу бир да болмагъанча жууаплы ишди. Аны бла байламлы эмда шёндю ишлеп тургъан къырал башчы болгъаным себепли, сизге аны ючюн этгенме чакъырыу сёзюмю», - дегенди ол.

РФ-ни Федерация Совети президент айырыуланы 17 мартда бардырыргъа деп тохташдыргъан эди. Айырыула юч кюнню ичинде бардырыллыкъдыла: 15, 16 эм 17 мартда.

 Къырал башчыгъа сайланыргъа Ара айырыу комиссияда эсепге тёрт кандидат тюшгенди: Леонид Слуцкий, Николай Харитонов, Владислав Даванков эм Владимир Путин, деп билдиреди «Жангылыкъла» информация агентство.