Къурулушланы барыуларына къарагъанды

«КъМР-ни Башчысы Казбек Коков ишчи жумуш бла Май районда болгъанды. Жолоучулукъну кезиуюнде ол Майский-Заречный-Ново-Ивановское жолда Черек сууну юсюнде ишленнген кёпюрге къарагъанды. Аны узунлугъу 90 метрди.

 Мында ремонт ишле «Къоркъуусузлу тынгылы жолла» деген миллет проектни чеклеринде озгъан жыл сентябрьден бери бардырыладыла.  Кёпюр толусунлай хайырланыргъа быйыл жайда берилликди.

Он километр узунлугъу болгъан жол тохташдырылгъан мардалагъа келишдирилликди, озгъан жылда 2,5 километрине ремонт этилип бошалгъанды. Жол Майскийни Гагарин орамы бла барады, шахарны Красная Поляна эм Право-Урванский хутор бла эмда Ново-Ивановское эл бла байламлыкъ этеди.

Ол тийреледе жол-къурулуш ишлени бардыргъандан сора да, жамауат транспорт тохтаучу жерле жарашдырыллыкъдыла, жол белгиле эм башха затла да орнатыллыкъдыла.

 Айтылгъан жумушладан сора, быйылгъы жылда 2,5 километр узунлукъда Майскийде Железнодорожная, Грибоедова эм Совхозная орамлада ремонт ишле бардырыллыкъдыла. Ол жерледе жнгы асфальт салынырыкъды, тротуарла да боллукъдула», - деп айтылады КъМР-ни Башчысыны  телеграм, каналында.