ЫРЫСЛА

.Адамны сибиртги бла урса – къаратон къалыр.
.Сибиртгини юсю бла атлагъан гюняхды.
.Атны башына ургъан ырысды.
.Бешикни къурлай тебиретген ырысды.
.Босагъада олтургъан жарлы болур.
.Гитче сабийни юсю бла атласанг, ёсюмю тыйылыр.
.Гыржын ургуланы аякъ тюпге атып малтагъан ырысды.
.Жаз башында уугъа баргъан ырысды.
.Ёлгенде кемлик этген ырысды.
.Ёлгенлени санагъан ырысды.
.Ёретинлей ашагъан ырысды.
.Жатып ашагъан ырысды.
.Ётмекге бичакъчы чанчып къойгъан ырысды.
.Жауурун къалакъны сындырмай атсанг, ыстауатха палах келеди.
.Артха къайтсанг- жолунг болмаз.
.Жолгъа тебирегенни аллында тигиу этерге жарамайды.
.Жолоучуну ызындан къычырсанг- иши къуралмаз.
.Жыгъылгъанны тёгерегин ызламасанг – жин зараны жетер.
.Бир саугъан сютюнгю бёлмей башхагъа берсенг – ийнек къуруйду.
.Кече тырнакъ кесген ырысды.
.Кече юйню тюбю сыйпалса – жарлылыкъ къысар.
.Кече чайыр чайнагъан ырысды.
.Кийимни чюйресине кийген ырысды.
.Къабырланы бармагъынг бла кёргюзтген ырысды.
.Къайгъы сёзден къайтхан бетин жуумай юйюне кирирге керек тюйюлдю.
.Къайнар сууну жерге тёкген ырысды.
.Къойну ургъан ырысды.
.Малны сатханда, жибин, таягъын да биргесине берген  ырысды.
.Малны къуйрукъ къылын кесип, жерге атсанг, ол мал урланыр.
.Лакъырда бла адамгъа къаргъыш айтма, жетип къалыргъа боллукъду.
.Макъаны ёлтюргеннге жарлылыкъ келеди.
.Къуру сууну керексиз къайнатып тургъан ырысды.
.Адам чачын отха атса, башы ауруучу болур.
.Къоллары бла жаякъларын тутуп олтургъан ырысды.
.Юйде къарылгъач уяны бузсанг, ийнегинги сютю таркъайыр.
.Юйню эшигин къыбылагъа бурмай салгъан ырысды.
.Эрттенликде эшик ачсанг, алгъыш киреди.

 

Свежие номера газет Заман


17.10.2018
15.10.2018
12.10.2018
10.10.2018