Россельхозараны былтыргъы иши къыйматлы болгъанды

Россельхозараны Къабарты-Малкъарда бёлюмюнде былтыргъы ишлерини эмда быйылгъа борчларыны юсюнден ушакъ баргъанды. Тийишли кенгешге республиканы Эл мюлк министерствосуну, «Россейни таянчагъы» жамауат биригиуню , Къабарты-Малкъар къырал аграр университетни келечилери да къатышхан эдиле, деп билдиргендиле бу ведомстводан.

Бёлюмню башчысы Хасан Куржиев билдиргенича, былтыр аланы ишлери къыйматлы болгъанды дерчады. Къырал салгъан борчну толусунлай толтурургъа, ахча тёленип берилген жумушланы уа артыгъы бла тамамларгъа къолдан келгенди. Дагъыда арада жарашдырылгъан, битимлени къоруулаучу средстволаны сатыу да иги болгъанды, дегенди ол.

Былтыр бу учрежденияны ишинде тюрлениуле да болгъандыла: аны мурдорунда урлукъчулукъ инспекция къуралгъанды. Анга оборудование сатып алгъандыла, специалистлерин да юйретгендиле. Ведомствону лабораториясы уа Росаккредитацияны излемлерине келишгенине шагъатха тийишли документ алгъанды. Аны специалистлери «Агроэксперт» деген цифралы системаны жетишимли хайырланыргъа юйреннгендиле.

Куржиев билдиргенича, бёлюмде жарашдырылгъан биологиялы продукцияны юсюнден кёпле билирча сынам ишле бардырадыла, сейирлери болгъанлагъа хар нени да ачыкъ кёргюзтедиле эмда ангылатадыла.

Ол дагъыда арада консультацияла берген пункт къыйматлы ишлегенин чертгенди, терек бахчачыланы эмда бахчачыланы клубуну юсюнден да хапарлагъанды.

Былтыр бу учрежденияны мюлк-техника онгларын игилендириу жаны бла да аслам мадар этилгенди. Аны консультацияла берген пунктуна «Аквадонис» деген прибор сатып алгъандыла, башха бёлюмлерин а, ол санда лабораториясын да, компьютерле, приборла, мебель эмда оборудование бла жалчытхандыла.

Быйыл да кёп умут барды. Биринчиден инспекция бёлюмню аккредитациясын этерге керекди. Дагъыда лабораторияны онгларын кенгертирге, специалистлени юйретиу ишни андан ары бардырыргъа, урлукъчулукъну айнытыргъа да.

Кенгешге къатышханла учрежденияны ишине тийишли багъа бергендиле, республикада эл мюлк товарла чыгъарыучула, илму эмда билим бериу организацияла, элчи мюлкле бла байламлыкъланы кючлендирирге чакъыргъандыла.