Нальчикден Москвагъа дыгъыда бир рейс

27 февраля, 2024 - 12:21

Быйыл 15 апрельден башлап  «Победа»  авиакомпания «Нальчик- Москва» маршрут бла къошакъ рейс ачады. Аны  юсюнден КъМР-ни Транспорт эмда жол мюлк министерствосуну  пресс-службасындан билдиредиле. 

Бу жумушну 189 олтурур жерлери болгъан  Boeing 737-800 хауа  кемеле тамамларыкъдыла. Ала  ыйыкъгъа алты кере учарыкъдыла.  Аны хайыры бла шахарланы арасында байламлыкъны тирилтирге, ол санда  пассажирлени болумларын игилендирирге онг табыллыкъды. Самолёт  Шереметьеводан   12:20,  Нальчикден а 16:05 учарыкъды. Алай бла жолгъа 3:15 минут къоратыллыкъды. 

 Жангы рейсни юсюнден толуракъ хапарны   «Победа» авиакомпанияны - www.pobeda.aero неда Нальчик  аэропортну - http://nalchik-airport.ru/  сайтларында табаргъа боллукъду.

  • 22 просмотра
Поделиться: