Энди чемпионатха къатышырыкъдыла

Озгъан ыйыкъда Ставропольда  къатыш единоборстволадан СКФО-ну чемпионаты бла биринчилиги бардырылгъандыла. Анга Къабарты-Малкъардан бир къауум спорт клубну командалары да къатышхандыла.

 «Эльбрус» эм «Файт зона» клубланы  жаш спортчулары Отарланы Алан бла Аппайланы Амир биринчиле болуп, «алтынла» бла къайтхандыла. Ала тренерле Жантуудуланы Азаматда бла Алим Мешевде жарау этедиле.

«Эльбрусда» юйреннген  Отарланы Алан 12-13-жыллыкъланы къауумунда кючюн кёргюзтгенди. Аппай улу уа 16-17-жыллыкъланы араларында бек кючлю болгъанды.

Жашла бу эришиуледе ючюшер сермеш бардырып, алай хорлагъандыла. Ала экиси да Россейни чемпионатына бла биринчилигине къатышырыкъланы къауумуна киргендиле.

Таппасханланы Аминат.
Поделиться: