Эл мюлк бла кюреширге сюйгенлеге - ортакъгъа жерле

Къабарты-Малкъарны иелигинде болгъан эл мюлк бла кюреширге жараулу жерлени юсюнден информацияны басмалагъандыла бу кюнледе КъМР-ни Жер эм ырысхы бла байламлы халла министерствосунда. Анда айтханларына кёре, бу иш республиканы Башчысыны коррупциягъа къажау туруу жаны бла оноуларын толтурур муратда ачыкъ халда бардырылады.

 Алай бла хайырланыучулагъа ортакъгъа кёп районлада битеу да эки жюзге жууукъ жер участкала бериледи. Аланы ичинде гитче юлюшле да бардыла, сёз ючюн, Кёнделенден арлакъгъа барып, Хаймашада 4,62-гектарлыкъ участканы алыргъа боллукъду. Бегирек да уллусу уа Элбрус районда Инал-Сырт жайлыкъдады. Аны ёлчеми кёп къалмай 1017 гектар болады.

Алай бла, сейирлери болгъанла быллай жерлени толу тизмеси бла Интернетде шагъырейленирге боллукъдула: https://pravitelstvo.kbr.ru/oigv/minimush/deyatelnost/privatizatsiya/zu_...