Ата журтну къоруулаучуларыны эркинликлери тенг боллукъду

Энчи аскер операциягъа кеслерини ыразылыкълары бла къатышханланы эркинликлерин сакълау жаны бла къошакъ мадарлары кийириледиле. Ол жаны бла законну РФ-ни Къырал Думасыны депутатлары биринчи окъулууда къабыл этгендиле.

Анга кёре, СВО-гъа кеслерини ыразылыкълары бла къатышхан инсанланы жашауларына эм саулукъларына страховка энчи аскер операциягъа мобилизация бла къатышханлагъа эм аскерде келишим бла къуллукъ этгенлеге тенг болгъанды.

 - СВО-гъа къатышханланы барысыны да тенг эркинликлери болургъа тийишлиди:   профессионал аскерчиле, мобилизация бла чакъырылгъанланы, кеслерини  ыразылыкълары бла къуллукъ этгенлени да. Ата журтубузну эркинлигин къоруулап, жашауларына, саулукъларына къоркъуулу болумлада къуллукъ этгенле къырал алагъа эм юйюрлерине къайгъыргъанын сезерге керекдиле,-дегенди законну проектини юсюнден Къырал Думаны башчысы Вячеслав Володин.

Законнга СВО башланнган кюнден къатышханла барысы да  киредиле. Анга тийишлиликде, страховой тёлеуле инсан жаралы болгъан кезиуде 313  минг сомгъа, саулугъуна ауур заран алып, сакъатлыкъ тапханда – 2,3 миллион сомгъа  дери жетерикдиле. Аскерчи СВО-да жан берсе, аны юйюрюне 3 миллион сом берилликди.

Тикаланы Фатима хазырлагъанды.
Поделиться: