Къутхарыучуланы – усталыкъларына, кишиликлерине да бийик багъа

       Алгъаракълада РФ-ни МЧС-ини таматасы Евгений Зиничев ведомствону регионлада бёлюмлерини башчылары бла жылны эсеплерине жораланнган кенгеш бардыргъанды. Анга Россейни Граждан къорууланыуну ишлери, къыйын болумла эмда табийгъат къыйынлыкъланы хаталарын кетериу жаны бла министерствосуну КъМР-де Баш управлениясыны тамасы Михаил Надежин бла бирге Элбрусда излеу-къутхарыучу  къауумну таматасы Гюлюйланы Абдуллах эм аны орунбасары Хаджиланы Альберт да къатышхандыла.
    Жылны эсеплерине кёре министр ведомствону энчи къауумун  саугъала бла белгилегенди. Ишлерине бийик багъа берилгенлени араларында Гюлюйланы Абдуллах да барды. Ол «Ата журтну аллында къыйыны ючюн»  II даражалы орденни майдалы бла
саугъаланнганды. Хаджи улу уа «Россей Федерацияны сыйлы къутхарыучусу» деген атха тийишли болгъанды.