АлгъышлауКъабарты-Малкъар Республиканы Башчысы К.В.Коковну Россейли Къабарты-Малкъар Республиканы басма органларыны хурметли ишчилери эмда ветеранлары! Сизни Россейли Басманы кюню бла жюрегимден къызыу алгъышлайма! Къабарты-Малкъарны асламлы информация органлары республикада бола тургъан ишлени юслеринден терк да, керти да хапар билдиргенлери, журналистиканы жорукъларындан таймагъанлары бла айырмалыдыла. Бюгюнлюкде, Россейге къажау информация уруш баргъан кезиуде, басма органла жамауатда патриот эмда инсанлыкъ сезимлени тохташдырыу, маданиятны айнытыу, республиканы халкъларыны адет-тёрелерин бла адеп-къылыкъларын сакълау жаны бла ишлерин бютюн тынгылы къураргъа, ол къыйматлы болурча этерге борчлудула. Жамауатха социал магъаналы хапарланы жетдириуню, экономиканы тюрлю-тюрлю бёлюмлеринде халны ачыкълауну, бек башы уа - Къабарты-Малкъарны адамларыны, аланы жетишимлерини юслеринден билдирип турууну магъанасы айтып-айтмазча уллуду. Хар журналист да бу ишде кесини энчилигин, борчун эмда жууаплылыгъын терен сезгенине бир ишеклигим жокъду. Сайлагъан усталыгъыгъызгъа кертичи болгъаныгъыз, терен билимигиз ючюн да сизге уллу ыспас этеме. Жамауат, заман да боюнугъузгъа салгъан борчланы сиз мындан ары да бет жарыкълы тамамларыгъыгъызгъа толу ийнанама. Сизге кийик саулукъ, монглукъ тежейме! Чыгъармачылыкъ ишигизде бютюн уллу жетишимле болдуруругъузну сюйгеними билдиреме!
Поделиться:
Читать также:
24.04.2024 - 16:25 →
Сейир адамла бла тюбешиулени эсгере
24.04.2024 - 15:52 →
Заман да, къыйынлыкъ да сындырмагъан тёлю
24.04.2024 - 14:20 →
Хыйлачыла уллайгъанланы сайлайдыла
24.04.2024 - 12:46 →
Абаданла тынчлыкълы жашарча
24.04.2024 - 12:42 →
Халаллыкъды баш жорукъ
| ||
