Байрам зауукълу ётерча – жорукъланы унутмазгъа

Жангы жылны аллында адамла пиротехниканы алып башлайдыла. МЧС-ни регионда Баш управлениясындан эсгертгенлерича, аланы энчи, пиротехниканы сатхан тюкенледен алыргъа тийишлиди, алада сатыучу атдырылыучу затла къайсы къауумлагъа киргенлерин, ала бла къалай хайырланыргъа кереклисин ангылатырыкъдыла.

- Фейерверклени алгъанда, аланы тышларына къарагъыз: аланы мылы, жылтыргъан жерлери болмазгъа, чыгъарыучуланы адреслери бла телефонлары жазылыргъа тийишлидиле, ол качествону эм къоркъуусузлукъну биринчи шагъатыды. Андан сора да, хар бирини инструкциясы, къаллай болумлада хайырланыргъа жарамагъаны белгиленирге керекди, - дейди ведомствону келечиси Алан Дзугулов.

 Пиротехника байрамны адамланы кёллерин кётюрген ышанларындан бириди, алай фейерверклени жибергенде сакълыкъ изленеди. Къоркъуусузлукъну жорукъларын унутмау байрамны жарыкъ, зауукълу да этерикди.

 

Кульчаланы Зульфия.
Поделиться: