Атлары айтылгъан медицина араладан специалистле тюбеширикдиле

Къабарты- Малкъарда 18-20 сентябрьде нейрохирургияда  нейрореабилитация жаны бла тёртюнчю халкъла аралы илму-практика конференция къураллыкъды, деп билдиредиле КъМР-ни Саулукъ сакълау министерствосундан. Анга А.Л Поленов атлы Россей илму-излем нейрохирургия институтну,  Нейрохирургияны Н.Н. Бурденко  атлы  миллет медицина тинтиу арасыны, Россейни Н.И. Пирогов атлы миллет тинтиу медицина университетни,  Москвада  Сабий терк болушлукъ хирургия эм  травматология илму-тинтиу институтну эм башха белгили медицина араланы специалистлери къатышырыкъдыла.  СКФО-ну регионларындан делегацияла да чакъырылгъандыла.

Конференцияны къураучулары РФ-ни Минздравы, Россейни Ней
рохирургларыны ассоциациясы, Россейни Реабилитологларыны союзу, КъМР-ни Минздравы, Х.М. Бербеков атлы Къабарты-Малкъар къырал  университетди. 

Жыйылыуну программасына  медицина практикада  тюбеген магъаналы вопрослагъа кенгертилип къарау кирликди. Тёгерек столла, лекцияла, мастер-классла, ушакъ майданла нейрохирурглагъа, бет сюек жаны бла хирурглагъа, неврологлагъа, реабилитологлагъа, ЛФК врачлагъа, терапевтлеге, функциональный диагностика врачлагъа сейир боллукъдула. 
Конференция Минги тау тийресинде КъМКъУ-ну  Элбрус окъуу-илму комплексинде ётерикди. Къонакъла коллегалары бла сынамларыны юсюнден ушакълашхандан, атлары айтылгъан профессорланы лекцияларына тынгылагъандан  сора да,  Къабарты-Малкъарны эм ариу жерлерини бирини айбатлыгъын кёраллыкъдыла