Энергетикле жангы амалланы хайырланадыла

«Россети Шимал Кавказ» компания хайырланыучулагъа таплыкъгъа деп былтыр «Свет онлайн» деген приложение чыгъаргъан эди. Аны хайырындан адамла электрокюч бла жалчытхан предприятияда жумушларын терк эмда женгил тамамларгъа боллукъдула. Анга кирип, ток ючюн тёлерге, счётчикни кёргюзтюулерин жиберирге эмда аланы кёз туурада тутаргъа онг барды. Приложенияны GooglePlay эм AppStore онлайн-тюкенледе излегиз.

Кёп болмай а компания абонентле бла ишлеуде жангы, кеси да бизни къыралда жарашдырылгъан системагъа кёчгенди. Быллай онлайн-сервисле кийирилгенлерини хайырындан электрокюч бла жалчытыу жумушланы инсанла электросетьге бара турмай тамамларгъа боллукъдула.

Шёндюгю амалланы сингдириуге энергетикле уллу магъана бередиле. Сёз ючюн, компания республикада бюджет организацияланы документлерин электрон халда жюрютюуге кёчгенди. Дагъыда бек къыйматлы башламчылыкъгъа «акъыллы» счётчиклени орнатыуну да санаргъа боллукъду. Ала кёргюзтюулени кеслери ашырадыла диспетчер арагъа. «Каббалкэнергону» специалистлери  кёп фатарлы юйледе эски, заманлары чыкъгъан счётчиклени орунларына ма аллай тюрлюлерин орнатадыла.