Адамланы жашауларына къоркъуу болмазча

 МЧС-ни жер-жерли бёлюмюню инспекторлары от тюшюуге къажау-къутхарыу служба бла бирге Черек районну халкъны социал жумушларына къарагъан комплексли арасында болгъандыла. Ала махкемени ишчилерине адамла кече-кюн да тургъан жерледе от тюшюу жаны бла къоркъуусузлукъ къалай жалчытылыннганын, от тюшгенде не этерге керек болгъанын, терк жетген службала къалай чакъырылгъанларын айтхандыла. Отну ёчюлтген оборудованияны хайырланыу бла шагъырейлендиргендиле. Энчи эс адамланы жана тургъан мекямдан терк чыгъаргъа юйретиуге бёлюннгенди.

МЧС-ни келечиси Малкъондуланы Ахмат белгилегенича, от тюшгенде хар инсан да низамны къаты тутаргъа керекди. «От ёчюлтюучюле бузукълукъсуз ишлерге тийишлидиле, къутхарыу жолланы адамла ёталмазча затланы къалап бегитирге жарамайды, ала тыйгъычсыз болургъа керекдиле. Мекямны хар къатысында кёрюннген жерледе къутхарыуну планлары салыныргъа керекдиле», - дегенди ол.

Юйретиуле учрежденияда тургъан адамла бла бардырылгъандыла, алагъа жорукълары бла китапчыкъла да юлешиннгендиле. Ахырында жарау халда къутхарыу турмуш да къуралгъанда, анга 30-дан аслам инсан къатышханды.